THE VALENTINE WEEK(most awesomest lines on valentine's week)

Khusbu-e- gulaab teri kahaan gyi,teri khoobsurti v mujhe ab bhaati nahi;

Feeka hai bejaan hai tu,khusbu isq ki tujhse mujhe ab aati nahi.

Naa terey kaantey chubhney ka dard hota hai,naa tere rang se mujhe pyaar hai koi;

Tu isq ki nishaani naa raha , ab tujhse v adhik khoobsurat or khusbudaar hai koi.

Din kya khaas banaaya izhaar isq ka karney k liye;

kholo dil k taaley tum bhi , din nahi hai aaj darney k liye.

Aksar dil ki baat dil mai rakh k poori zindagi pachtaatey hain hum;

Izhaar- e-dil karu kya tumse jab dil se hi roj batiyaatey hain hum.

Itni chocolate kha kha k tum din-b-din chocolate bantey jaa rhey ho;

Chocolate day k bahaaney humse aur chocolate mangva rhey ho.

Laaney ko to tumhaarey liye ley aayein chocolate harr sehar harr praanto ki;

Par saath hi hamey fikar hai apni jaib ki aur tumhaarey keemti daanto ki . 

Dhoonda mainey yahaan wahaan;

Dhoonda mainey saara jahaan.

Poochta hai harr koi kya umar hai bachey ki teddy jiski farmais hai;

Kehtey hain hum ik 21 saal ki ladki hai jo hamaarey dil ki khwais hai.

Sabse mehanga sabse pyaara teddy ab batao kahaan se laun mai;

Tu kahey to tera dil behlaaney khud teddy tera ban jaun mai.

Vaadey kartey hain log bin sochey samjhey,nibhaana unhey aata nahi;

Saans lena jesa rehta hai yaad,vaadey yaad yun koi rakh paata nahi.

Koi vaada nahi kartey tumse aaj aisa,k kal ko bhool jaengey hum;

Vaada hai bus tumse itna apna harr kiya vaada sachey dil se nibhaengey hum.

Ik jaadu ki jhappi wo terey pyaar ki;

Saamney feeki harr khushi sansaar ki.

Harr gumm ki davaa hai wo;

Meethi si khusbu waali havaa hai wo.

Maloom nai zameen mai hun,aasmaa mai hun,hun to bs tere pyaar mai hun;

Baahein failaaye khadaa hun teri jaadu ki jhappi ke intejaar mai hun.

 

Tujhe paana mera maksad nahi,mera maksad kuch ruhaani sa hai;

Isq mera bin swarth ka, ik amar prem ki koi kahaani sa hai.

Ban k aanshu khushi ka teri jheel si aankhon se behna hai mujhe;

Tujhe naa choo k terey dil ko choo k bus wahin hamesha rehna hai mujhe.

Nasamjh kahun kya un logo ko jo meethi baaton se fuslaatey hain tumhe;

tum baaton ki unki yakeen naa karna raah se tumhaari bhatkaatey hain tumhe.

Auron ki chikni baaton k bhram k amrit se sanni ho tum;

Tum ladki nahi meethi baaton k liye,isq k liye hi bani ho tum.

isq karkey dekho tum v,isq hi sbsey sacha hai yr;

meri ragon mai v laal isq behta hai isq meri sehat k liye acha hai yr.

$andy's